Maidir leis na Gradaim Ár nDomhan
Is é aidhm Ghradaim Ár nDomhan cur ar chumas daltaí eolas a chur ar shaol leanaí agus a dteaghlaigh i dtíortha i mbéal forbartha agus ar an gcaoi a bhfuil Éire, trí Chúnamh Éireann, agus 192 thír eile sna Náisiúin Aontaithe ag obair le chéile chun domhan níos sábháilte agus níos cothroime a chruthú, agus chun todhchaí níos fearr a chruthú do na leanaí go léir timpeall na cruinne.
Mar shaoránaigh dhomhanda, is féidir le daltaí a gcuid féin a dhéanamh trí pháirt a ghlacadh sna Gradaim agus aghaidh a thabhairt ar na saincheisteanna sin.
Páirt a ghlacadh
Trí úsáid a bhaint as an Iris do Dhaltaí agus na pleananna ceachta a ghabhann léi, is féidir leat tabhairt faoi shaothar cruthaitheach a léiríonn an méid a d’fhoghlaim tú nó na rudaí a spreag tú.
Is féidir leat scríbhneoireacht, saothar ealaíne, ceol nó scannán a úsáid agus do shaothar a chur isteach agus b’fhéidir go n-éireodh leat ceann dár nduaiseanna iontacha a bhuachan do do rang.
An Chraobh Náisiúnta
Gach bliain, reáchtálann Gradaim Ár nDomhan Craobh Náisiúnta chun ceiliúradh a dhéanamh ar na saothair den scoth a chuireann na daltaí isteach agus chun aitheantas a thabhairt do.
I gCaisleán Bhaile Átha Cliath a reáchtálfar an chraobh an 22 Bealtaine 2025. Tugaimid cuireadh freisin do gach scoil a ghlac páirt sna Gradaim freastal ar an imeacht go fíorúil chun gur féidir linn go léir ceiliúradh a dhéanamh le chéile.
Déan difríocht le Gradaim Ár nDomhan
Glac páirt i nGradaim Ár nDomhan trí úsáid a bhaint as ár n-acmhainní solúbtha atá nasctha leis an gcuraclam chun iniúchadh a dhéanamh ar cheisteanna domhanda agus do chuid foghlama a léiriú go cruthaitheach. Bíonn duaiseanna den scoth ann mar aon le deis an chraobh náisiúnta a bhaint amach, agus is iontach an deis í do dhaltaí difríocht a dhéanamh!
Bí páirteach
Cláraigh chun ár n-acmhainní saoránachta domhanda saor in aisce a íoslódáil chun na héilimh go léir i gCreatchuraclam na Bunscoile a shásamh!
Bain úsáid as acmhainní solúbtha traschuraclaim ina bhféachtar ar obair Chúnamh Éireann, ar na Spriocanna Forbartha Domhanda, agus ar chás-staidéir de chuid Ghradaim Ár nDomhan.
Cruthaigh
Spreag na daltaí chun saothar cruthaitheach scríofa nó ilmheán a chruthú ina léirítear a bhfuil foghlamtha acu. Roinn saothar na ndaltaí (i nGaeilge nó i mBéarla) chun deis a fháil duaiseanna a bhuachan nó freastal ar an gCraobh Náisiúnta i gCaisleán Bhaile Átha Cliath!
Cuir isteach
Cuir isteach an fhoirm iarratais agus saothair na ndaltaí ar ríomhphost chuig ourworld@realnation.ie nó sa phost chuig:
Oifig Tionscadail Ghradaim Ár nDomhan,
Real Nation,
94 Sráid Bhagóid Íochtarach
Baile Átha Cliath 2,
D02 XN82
Taispeánfar saothair roghnaithe ar an suíomh gréasáin agus ar na meáin shóisialta ó mhí na Samhna go mí na Bealtaine, agus beidh deis acu áit sa Chraobh Náisiúnta a bhaint amach.
Cuir iarratas isteach am ar bith roimh an 28 Márta 2025.
Pleananna Ceachta
Do dhaltaí rang 3-6 a dearadh gníomhaíochtaí ceachta Ghradaim Ár nDomhan. Dearadh iad chun gníomhaíochtaí solúbtha, atá ailínithe leis an gcuraclam, a chur ar fáil chun tacú leis an Oideachas Saoránachta Domhanda. Ina measc, tá ábhar tarraingteach agus ábhair ón bhfíorshaol ina dtugtar aghaidh ar phríomhinniúlachtaí amhail a bheith i do shaoránach gníomhach, a bheith i d’fhoghlaimeoir gníomhach, a bheith slán, agus a bheith cruthaitheach. Íoslódáil na pleananna ceachta thíos chun beocht a chur sna hábhair sin sa seomra ranga!
Iris do Dhaltaí
Forbraítear an Iris do Dhaltaí gach bliain chun daltaí a mhealladh le hobair Chúnamh Éireann trí chás-staidéir, fíricí spraíúla agus gníomhaíochtaí. Déantar iniúchadh in iris 2025 ar shaol daoine agus pobal i Laos, i Mósaimbíc agus sa tSomáil.
Tá cairteacha agus cluichí ann a chuidíonn le daltaí eolas a chur ar Spriocanna Forbartha Inbhuanaithe na Náisiún Aontaithe ar bhealach idirghníomhach. Roinn an iris seo le do dhaltaí nó le do leanbh chun cabhrú leo tabhairt faoi thuras saoránachta domhanda.
