Tá áthas an domhain orainn ár n-acmhainní nuashonraithe Gaeilge a chur ar fáil. Tá na hacmhainní deartha chun tacú le múinteoirí agus le daltaí féachaint ar fhadhbanna domhanda ar bhealaí spéisiúla.  Tá an t-eagrán is déanaí den Iris do Dhaltaí, 2026, ar fáil anois, mar aon le pleananna ceachta athbhreithnithe ó 2025 ina dtugtar léargas ar obair Chúnamh Éireann i Laos agus Mósaimbíc.  Tá plean ceachta breá nua á chur ar fáil againn freisin atá dírithe ar Shiarra Leon, agus tá deiseanna úrnua ann chun an fhoghlaim ón saol réadúil a thabhairt isteach sa seomra ranga. Chun rudaí a dhéanamh níos éasca fós, tá bileoga gníomhaíochta ann freisin is féidir a phriontáil agus a úsáid sa seomra ranga, agus is iontach an áis iad chun rannpháirtíocht daltaí agus plé a spreagadh. Is mór againn aiseolas uait – cabhraíonn sé linn a chinntiú go mbíonn an t-ábhar agus an teanga ann ábhartha agus éasca le tuiscint, agus go spreagann siad na daltaí.  Ar deireadh, ná déan dearmad cur isteach ar Ghradaim Ár nDomhain, 2026, agus tá catagóir speisialta ann do shaothair as Gaeilge.